கூட்டம்
குற்றால அருவியில்
குளிக்க நீண்ட வரிசை.
திருச்செந்தூர் முருகனைக்
காண குறைந்தது
மூன்று மணி நேரம்.
அத்தோ, சர்மா,
பலூடா கடைகளால்
நிரம்பிய வ உ சி மைதானச்
சாலையைக் கடந்து
வருவது கடினம்.
டீ மார்ட்டில் நகர்ந்து
செல்ல முடியாத
அளவு ஜனங்கள்.
எங்கும் கூட்டம்.
ஆண்டனி என பெயர்
மாறிவிட்ட எங்கள்
ஊர் பேருந்து, வண்டி
ஓட்டத் தெரியாத வயோதிக
ஆண்களுக்காக மட்டும்
இயங்குகிறது.
கூட்டமில்லாமல் காலியாக!!!
****
விலைவாசி
வளைகுடாப் போர்
எரிபொருள் விலையை
ஏற்ற, எல்லாப் பொருட்களும்
விலையேறிவிட்டன.
இதைச் சமாளிக்க வளைகுடா
போய் தான்
சம்பாதிக்க வேண்டும்!!!
****
செயற்கை நுண்ணறிவு
எல்லாத் துறைகளிலும்
செயற்கை நுண்ணறிவு
கொடி கட்டிப் பறக்கிறது.
கேட்டதை செய்து தருகிறது
செயற்கை நுண்ணறிவு.
ஆனால் சாதி சண்டையை
தான் ஒழிக்க முடியவில்லை!!!
****
அலைபேசி அடிமை
நாங்கள் அலைபேசி
இல்லாத காலத்தில்
வாழ்ந்தவர்கள் என
பெருமை பேசிக்
கொள்ளும் 90ன்
குழவிகளால் அலைபேசி
இன்றி இருக்க முடியவில்லை!!!
No comments:
Post a Comment