ஜிம்பாம்வே நாட்டை இந்தியர்கள் அதிகம் கேள்விபட்டிருப்பார்கள். கிரிக்கெட்டை வைத்து. கபில்தேவ் 175 ஜிம்பாப்வே உடனான போட்டியில். 1999 உலக கோப்பையில் ஜிம்பாப்வே உடனான போட்டியில் 3 ரன்களில் தோற்றதும் நினைவை விட்டு நீங்காதவை.
ஜிம்பாப்வே ஆப்பிரிக்க கண்டத்தில் தென் பகுதியில் உள்ள நாடு.
பொருளாதார வீழ்ச்சியும் பணவீக்கமும் ஜிம்பாப்வேவை படுத்தும் பாட்டை பார்ப்போம்.
1980ல் ரொடிஸியா ஜிம்பாப்வே என பெயர் மாறிய போது ரொடிஸிய டாலர் ஜிம்பாப்வே டாலராக மாறியது.
ஜிம்பாப்வே டாலர் நோட்டுகளில் தலைவர் படங்கள் இடம் பெறுவதில்லை.
பொதுவாக அந்த நாட்டில் இயற்கையாய் அமைந்த அடுக்கு பாறை, கரிபா அணை, யானை ஆகியவை இடம் பெற்றுள்ளது.
முதல் ஜிம்பாப்வே டாலர் 2,5,10,20 மதிப்பில் 1980ல் வெளியிடப்பட்டது.
கவர்னர் மாறிய பின் அதே மதிப்புள்ள நோட்டுகள் 1983லும் வெளியிடப்பட்டது.
90 களில் சில மாற்றங்களுடன் 5,10,20,50,100,500,100 நோட்டுகள் வெளியிடப்பட்டது.
2003ல் பணவீக்கத்தை சமாளிக்க ஜிம்பாப்வே ரிசர்வ் வங்கி மேற்பார்வையில் Standard chartered bank ஆறு மாத வேலிடிட்டி உள்ள bearer cheque வெளியிடப்பட்டது. 5000, 10000,20000, 50000 & 100000 மதிப்பில்.
அதற்கு பின் ஜிம்பாப்வே ரிசர்வ் வங்கி 5000, 10000 & 20000 மதிப்பில் bearer cheque 2003லும் (உலகக்கோப்பை நடந்த அதே ஆண்டில்) 50000, 100000 மதிப்பில் 2005-2006ல் வெளியிட்டது.
அதற்கு பின் அதிரடியாக 1000 டாலர் (ZWD)= 1 புதிய டாலர் (ZWN) என 2006ல் மாற்றினார்கள்.
2ம் ஜிம்பாப்வே டாலர்.
1 சென்ட் (100 சென்ட் = 1 டாலர்), 5 சென்ட், 10 சென்ட் & 50 சென்ட். 1$, 5$,10$,20$,50$,100$,500$,1000$,10000$ & 100000$ என்ற மதிப்பில் bearer cheque 2006ல் வெளியிடப்பட்டது.
2007ல் 5000, 50000,200000,250000,500000 & 750000 மதிப்பில் bearer cheque வெளியிடப்பட்டது. இதில் 750000 நோட்டில் மட்டும் மின்னும் பட்டைகள் இருந்தன. (பாதாளத்தில் இருந்தாலும் கண்டுபிடிக்க கூடிய மேக்கனடிக் ஸ்டிரிப் அல்ல.)
2008 ல் 1 மில்லியன், 5 மில்லியன், 10 மில்லியன், 25 மில்லியன்,50 மில்லியன், 100 மில்லியன், 250 மில்லியன்,500 மில்லியன் என bearer cheque வெளியிடப்பட்டது.
5 பில்லியன், 25 பில்லியன்,50 பில்லியன் & 100 பில்லியன் என special agro cheque நோட்டுகளும் வெளியிடப்பட்டது. (1 பில்லியன் = 1000 மில்லியன்).
அதற்கு பின் cheque முறையை கைவிட்டு நோட்டுகளாக வெளியிடப்பட்டது.
10^10 ZWN=1 ZWR
3ம் ஜிம்பாப்வே டாலர்
1, 5,10,20,100,500,1000,10000, 20000,50000,100000, 500000, 1 மில்லியன்,10 மில்லியன்,50 மில்லியன்,100 மில்லியன்,200 மில்லியன்,500 மில்லியன்,1 பில்லியன்,5 பில்லியன்,10 பில்லியன்,20 பில்லியன்,50 பில்லியன்,10 ட்ரில்லியன்,20 ட்ரில்லியன்,50 ட்ரில்லியன் &100 ட்ரில்லியன். நோட்டுகள் 2008ல் தொடங்கி 2009 வரை வெளியிடப்பட்டது. (ட்ரில்லியன் = 1000 பில்லியன்)
2 பிப்ரவரி 2009ல் 4ம் ஜிம்பாப்வே டாலர் உதயமானது.
10^12 ZWR = 1 ZWL
1, 5,10,20,50,100 &500 மதிப்பில் வெளியிடப்பட்டது. இதுவும் ஏப்ரல் 2009ல் கைவிடப்பட்டது.
அதற்கு பின் ஜிம்பாப்வேயில் அமெரிக்க டாலர் பரவலாகவும் தென்னாப்பிரிக்கா ரான்ட், சீன யுவான், இந்திய ரூபாய், ஜப்பானிய யென், ஆஸ்திரேலிய டாலர், போட்ஸ்வானா புலா ஆகியவை குறைந்த அளவிலும் பயன்படுத்த பட்டது.
ஆனால் ஜிம்பாப்வே ரிசர்வ் வங்கி சும்மா இருக்கவில்லை.
2016 ல் 1 அமெரிக்க டாலர் = 1 ஜிம்பாப்வே பாண்ட் நோட் என 2 டாலர் மற்றும் 5 டாலர் நோட்டுகளை வெளியிட்டது.
2019 ல் பாண்ட் நோட் என்ற வாசகத்தை நீக்கிவிட்டு ஜிம்பாப்வே டாலர் என்ற பெயரில் 2 மற்றும் 5 டாலர் நோட்டுகளை வெளியிட்டது.
2020ல் 10 மற்றும் 20 டாலர் நோட்டுகளை வெளியிட்டுள்ளது.
2021ல் 50 டாலர் மற்றும் 2022ல் 100 டாலர் நோட்டுகள் வெளியிடப்பட்டுள்ளது.
இதன் சந்தை மதிப்பு கேள்விகுறியே...