100 ஆண்டுகளுக்கு மேலாக அதே மதிப்பில் வெளியிடப்படும் ஒரு நோட்டு என்பது இந்திய ஒரு ரூபாய் நோட்டின் தனிச்சிறப்பு.
ஒரு ரூபாய் நோட்டின் மற்றொரு சிறப்பு, மற்ற நோட்டுகளை போல் இந்த நோட்டை ரிசர்வ் வங்கி வெளியிடாது. ரூபாய் நோட்டு இந்திய அரசு வெளியிடும் நோட்டு. அதில் கையெழுத்திடுபவர் இந்திய நிதித்துறை செயலாளர். விநியோகம் ரிசர்வ் வங்கி மூலமாகவே நடைபெறும்.
முதன் முறையாக பிரிட்டிஷ் காலத்தில் 1917 ஒரு ரூபாய் நோட்டு வெளியிட்டது. தமிழ், தெலுங்கு, கன்னடம், குஜராத்தி, உருது, தேவநகரி, ஒடியா, பெங்காலி ஆகிய எட்டு மொழிகளில் ஒரு ரூபாய் என்று எழுதியிருந்தது அந்த ஒரு ரூபாய் நோட்டில்.
அதில் ஐந்தாம் ஜார்ஜ் மன்னர் படம் இடம் பெற்றிருந்தது.
1917 நோட்டில் கையெழுத்திட்டவர்கள், எஸ். துப்பே, ஏ.சி. மெக்வாட்டர்ஸ் மற்றும் எச். டென்னிங்.
1935 நோட்டில் கையெழுத்திட்டவர் ஜே. டபிள்யு. கெல்லி.
1940 நோட்டில் கையெழுத்திட்டவர் சி.பி. ஜோன்ஸ். இது இரண்டாம் உலகப்போர் சமயத்தில் வெளியிடப்பட்டது. இதில் ஆறாம் ஜார்ஜ் மன்னர் படம் இடம் பெற்றிருந்தது.
சுதந்திரத்துக்கு பின் 1949-1950ல் வெளியிடப்பட்ட நோட்டில் கேஆர்கே மேனன் கையெழுத்திட்டு இருந்தார்.
1951 நோட்டில் கையெழுத்திட்டவர் கேஜி. அம்பேகானோன்கர் மற்றும் எச்எம். பட்டேல்.
1957 நோட்டில் கையெழுத்திட்டவர் ஏகே.ராய் மற்றும் எல்கே.ஜா.
1963 நோட்டில் கையெழுத்திட்டவர் எல்.கே.ஜா
எஸ்.பூதலிங்கம் 1963, 1964,1965, 1966 &1967 நோட்டுகளில் கையெழுத்திட்டார்.
எஸ்.ஜெகன்னாதன் 1967, 1968 நோட்டுகளில் கையெழுத்திட்டார்.
1969ல் காந்தி நூற்றாண்டை முன்னிட்டு காந்தி படத்துடன் வந்த நோட்டில் ஐ.ஜி பட்டேல் கையெழுத்திட்டார்.
அதற்கு பிறகு கையெழுத்திட்ட நிதித்துறை செயலாளர்கள் பட்டியல்
1968, 1969, 1970, 1971, 1972 - ஐ.ஜி. பட்டேல்
1973, 1974, 1975, 1976 - கே.ஜி. கவுல்
1976, 1977, 1978, 1979, 1980 - மன்மோகன்சிங் (முன்னாள் பிரதமர்)
1980 , 1981 - மல்கோத்ரா
1983, 1984, 1985 - பிரதாப் கிஷன் கவுல்
1985, 1986, 1987, 1988, 1989 - வெங்கிடரமணன்
1989 - கோபி கே ஆரோரா
1990 - பிமல் ஜலான்
1991 - புஹ்லா
1991, 1992, 1993, 1994 - மோண்டக் சிங் அலுவாலியா.
1994க்கு பின் நிறுத்தப்பட்ட ஒரு ரூபாய் நோட்டு மீண்டும் 2015 ல் தொடங்கப்பட்டது.
தற்போதைய நோட்டில் தமிழ், தெலுங்கு, கன்னடம், மலையாளம், கொங்கனி, நேபாளி, ஒடியா, குஜராத்தி, சமஸ்கிருதம், காஷ்மீரி, மராத்தி, அசாமி, பெங்காலி, பஞ்சாபி, உருது ஆகிய பதினைந்து மொழிகளில் ஒரு ரூபாய் என்று எழுதப்பட்டுள்ளது.
2015 - ராஜீவ் மெகஸ்ரிஷி
2016 - ரத்தன் பட்டேல்
2017 - சக்தி கந்ததாஸ்
2018 & 2019 - சுபாஷ் ஹார்
2020 - ஆலம் சக்ரபோர்தி.
1981ல் வடிவமைப்பில் பெரிய மாற்றமும், 1983ல் சிறிய மாற்றமும் செய்யப்பட்டுள்ளது.
அதே போல் புதிய ஒரு ரூபாய் 2020ல் சிறிய மாற்றம் செய்யப்பட்டுள்ளது.
படங்கள் : எனது சேகரிப்பு
