மறுபடியும் உன்னை என்று
சந்திப்பேன் என்று எனக்கு
தெரியவில்லை
நீ பிரசவத்திற்கு
தாய் வீடு செல்லும்
மனைவியா ? இல்லை
நீ கல்லூரியின் கடைசி நாளில்
கை குலுக்கி பிரியும்
தோழியா ? இல்லை
விடுமுறை முடிந்து
விடுதிக்கு செல்லும்
தங்கையா? இல்லை
மணமுடித்து கணவன்
வீடு செல்லும்
அக்காவா ? இல்லை
இந்த 24 மணி நேர ரயில்
பயணத்தில் நம் நான்கு
கண்கள் எத்தனை முறை
சந்தித்திருக்கும் ?
ஒரே ஒரு முறை ஓர
விழியால் நீ பார்த்த அந்த
நான்காம் கண் பார்வைக்காக
மறுபடியும் உன்னை என்று
சந்திப்பேன் என்று எனக்கு
தெரியவில்லை