சென்னை மழை

கடல் கண்டும் படகில்

செல்லாதவர்களுக்கு படகு

பயணம் வாய்த்தது !

அரசியல்வாதிகள் செல்லும் போது

அண்ணாந்து பார்த்தவர்களுக்கும்

கிடைத்தது ஹெலிகாப்ட்டர் !

கூவமும் அடையாறும்

நதிகள் என்று அறியாதவர்களுக்கு

காட்டியது நதியின்

வனப்பை!

தண்ணீருக்கு நிலவும்

மாநில அரசியலை நிறுத்தி

 நிவாரணம்

எனும் கட்சி அரசியலை

புகுத்தியது !

நன்னீரை தான்

பெய்தது மழை

மண்ணில் விழுந்த உடன்

கழிவு நீராய் மாறிவிட்டது !

பணக்காரனையும் உதவி

கேட்க வைத்தது !

நீர் மேலாண்மை பற்றி

பாடம் நடத்தி தைரியமாய்

தட்டி கேட்டது !

ஆனால் ஏழைகளின் குடிசை

மட்டும் மழையின்

கண்ணுக்கு தெரியாமல்

போய்  விட்டது

ஏழைகளின் மீதாவது

கொஞ்சம் இரக்கம்

காட்டி  இருக்கலாம்!!!