கிரிக்கெட் நினைவுகள்னு 9 பதிவுகள் போட்டேன். அதிகம் வெளியே தெரியாத சின்ன அணி வீரர்கள் பற்றி பதிவிடலாம்னு இந்த முயற்சி.
அந்த வகையில் ஹாங்காங் அணியின் இஷான் கான். 38 வயதான இஷான் கான் 15 ஒருநாள் போட்டிகள் மற்றும் 22 சர்வதேச டி20 போட்டிகளிலும் விளையாடியுள்ளார்.
2016 ல் சர்வதேச கிரிக்கெட் போட்டியில் அறிமுகமானவர். ஒருநாள் போட்டிகளில் முதல் பந்திலே விக்கெட் எடுத்து சாதனை படைத்தவர்.
2018ல் ஆப்கானிஸ்தான் அணியுடனான ஒருநாள் போட்டியில் 4 விக்கெட் எடுத்து ஹாங்காங் அணியின் வெற்றிக்கு வழி வகுத்தார். அது தான் ஹாங்காங் அணி பெரிய அணியுடன்(முழு நேர ஐசிசி அணி) பெற்ற முதல் வெற்றி. அந்த போட்டியில் ஆட்டநாயகன் இஷானே.
ஐசிசியின் ரைஸிங் ஸ்டார் விருதையும் பெற்றார்.
அதே 2018ல் ஆசிய கோப்பையில் இந்திய அணியுடனான போட்டியில் இரண்டு விக்கெட்டுகள் எடுத்தார். அதில் ஒன்று தோனியின் டக் அவுட். அந்த போட்டியில் ஹாங்காங் அணி தோற்றாலும் இந்திய அணியை மிரட்டியது.
டி20 போட்டியில் இருமுறை ஆட்டநாயகன் விருது வாங்கியுள்ளார். இவரின் சிறப்பு ஆப் ஸ்பின்னராக இருந்தாலும் இறுதிக்கட்ட ஓவர்களில் சிறப்பாக பந்து வீசுவார்.
ஹாங்காங்கில் கிரிக்கெட்டுக்கு சிறிதளவே இடமே இருந்தாலும் அதில் தனித்துவம் காட்டுபவர் இஷான் கான்.
