அஜித் விஜய் சண்டை

அஜித் விஜய் சண்டை எப்படி துவங்கியது?

1999ல் விஜய்க்கு துள்ளாத மனமும் துள்ளும் மட்டுமே வெற்றி பெற்ற படம். மற்றவை பாடல்கள் மட்டுமே. பிரசாந்த் நடித்த படங்களும் இதே வகையறா தான். பாடல்கள் ஹிட்டாகும், படம் தேறாது.

அதே சமயம் 99ல் தொடரும் தவிர மற்ற படங்கள் அஜித்தை தூக்கி நிறுத்தின. குறிப்பாக வாலி. 

2000ல் முகவரியும், ஏஆர் ரஹ்மான் இசையமைத்த கண்டுகொண்டேனும் ஹிட் அடித்தது. உன்னை கொடு ஓடவில்லை என்றாலும் அதுவரை ஆசை நாயகனாக இருந்த அஜித் அல்டிமேட் ஸ்டார் ஆனார். விஜய்க்கு குஷி மட்டுமே.

2001ல் தீனா- ப்ரண்ட்ஸ் ஒரே நாளில் வெளியானது. ரெண்டுமே வெற்றி என்றாலும் அஜித் தல ஆனது விஜய்க்கு புளியை கரைத்தது. சிட்டிசன், பூவெல்லாம் உன் வாசம் என மாறுபட்ட படங்களின் வெற்றி அஜித்தை உயரத்துக்கு கூட்டி சென்றது. 

2002ல் வெளியான ரெட், மதுரையை அஜித் கோட்டை என்று மாற்றியது. ஏற்கனவே தூத்துக்குடியில் விஜய் ரசிகர்களை சந்திக்க மறுத்ததால் தூத்துக்குடியும் அஜித் வசம். 

விஜய் யூத் படத்தில் ரெட் படத்தின் 'அது' என்ற வசனத்தை கிண்டல் செய்தார் இதுதான் ஆரம்பம். அஜித் கண்டு கொள்ளவில்லை.

தீபாவளிக்கு வில்லன் - பகவதி போட்டியில் வில்லனுக்கு எளிதான வெற்றி கிடைத்தது. ஏற்கனவே தமிழ் - தமிழன் போட்டியில் பிரசாந்திடம் தோற்றிருந்தார் விஜய்.

இந்நிலையில் கார்த்திக் ரசிகர்கள் பலரும் அஜித் ரசிகர்களாக மாறினர். இது கார்த்திக் சொல்லியோ அஜித் சொல்லியோ நிகழவில்லை. தானாக நடந்த மாற்றம்.

2003ல் வசிகராவில் சற்றே அடிக்கி வாசித்த விஜய், புதிய கீதையில் மீண்டும் சீண்டினார். ரஜினி ரசிகர்கள் ஆதரவை பெற அண்ணாமலை தம்பி என்ற பாடலையும் வைத்தார். விவரம் அறிந்த ரஜினி ரசிகர்கள் குத்திவிட படம் பல்பு வாங்கியது.

தீபாவளிக்கு ஆஞ்சநேயா - திருமலை மோதல். திருமலை தான் வெற்றி. இதிலும் லாரன்ஸை தல என்று அழைத்து சீண்டல் இருந்தது. அடுத்து வந்த உதயா வந்த வேகத்தில் சென்றது. கில்லியிலும் சிறப்பு வசனங்கள் இருந்தது. அஜித் ஜனாவில் தகதமி தகதமி ஆட்டம்இது எப்பவும் ஜெயிக்கிற கூட்டம் என்று பாடல் இருந்தது.

அஜித் தரப்பிலும் பதிலடி குடுக்க நினைக்க, சரண் - வைரமுத்து கூட்டணியில் சரியான பதிலடி நிகழ்ந்தது அட்டகாசத்தில்.

திருப்பாச்சியில் நீயும் நானும் அண்ணன் தம்பிடா என்று பாடல் வைத்து சரணடைந்த விஜய் மீண்டும் சுக்ரனில் வில்லன் பெயர் ஜனா என்று வைத்து சீண்டினார். அடுத்து வந்த சச்சினில் உருவகேலி, ஷாலினினு பேர் வச்சு அப்யூஸ் என்று சென்றார். அதற்கு துணை போன வாரிசு இயக்குநர் அடையாளம் இல்லாமல் போனார்.

2006ல் பரமசிவன் - ஆதி மோதல். ஆதியிலும் வெள்ள தோலு... என்ற வசன சீண்டல்கள் நிறைய இருந்தது. ஆனால் படத்தின் முடிவால் விஜய் ஓராண்டுக்கு படமே வெளியிடவில்லை.

ஏவிஎம்மின் வேண்டுகோளுக்கு இணங்கி விஜய் திருப்பதி பட பூஜையில் கலந்து கொண்டார். ஆழ்வார் - போக்கிரியில் போக்கிரி வெல்ல குருவி, வில்லு என சீண்டல் தொடர்ந்தது. அஜித் பில்லாவில் நடித்து வேறு கட்டத்துக்கு சென்றுவிட வில்லுவில் வடிவேலுவை பில்லா கெட்டப்பில் காட்டும் காட்சிகள் படமாக்கபட்டது. (படத்தில் இடம் பெறவில்லை)

இன்றும் அஜித் மன்றங்களை கலைத்து விட்டு அமைதியான பாதையில் செல்கிறார். விஜய் ரசிகர்களை தூண்டி அஜித் தனக்கு போட்டியாளராக காட்டி கொள்ள நினைக்கிறார்.

நிதி கொடுப்பது கூட அஜித் எவ்வளவு கொடுக்கிறார் என்று காத்திருந்து பார்த்து கொடுப்பது கொடூரம்.

அஜித்துக்கு என்றுமே விஜய் போட்டியாளர் அல்ல. சினிமா துறையில் மட்டுமல்ல. தனி மனித செயல்பாட்டிலும்.