சொந்தங்கள்

அடிக்கடி கோபப்பட்டு 

வீட்டை விட்டு செல்லும் தம்பி 

ஒசூரிலோ, திருப்பூரிலோ

மும்பையிலோ சென்று

கஷ்டப்பட கூடாதென்று 

சாமி உண்டியலில் காசு 

போட்டு வைத்திருப்பார்

சித்தப்பா !!!

****

கையில் காசு இல்லை 

என்றாலும் கடன் சொல்லி 

தங்கச்சி மகனுக்கு 

காப்பியோ, கலரோ வாங்கித்

தர முற்படுகிறார் 

தாய் மாமா !!!

****

என்ன கேட்டாலும் 

அப்பா வாங்கி தருவார் 

என்ற நம்பிக்கையில் 

பாராசுட் கேட்கிறாள் 

மகள் !

எங்கள் இளவரசிக்கு 

சிறகு முளைக்க 

தொடங்கிவிட்டது !!!

****

புத்தகங்கள் வாசிக்கும் போது 

நம் மனைவியும் பெண்

எவ்வளவு கஷ்டங்களை 

தாங்கிக் கொள்கிறாள்

என்று சஞ்சலப்படும் மனசு,

பாலை காய்ச்சி தரச்

சொல்லும் போது 

புத்தகத்தை தூக்கி எறிகிறது !!!

****

விருப்பு, வெறுப்புகள் 

வேறுபட்டாலும் ஏதோ ஒரு 

புள்ளி இணைக்கிறது.

சாதி, அரசியல், மதம், கிரிக்கெட், சினிமா

என சண்டையிட சரியான

களம் தான் சந்து !

நேரில் பார்த்திராவிட்டாலும் 

அண்ணனாய், நண்பனாய்

நினைத்து மகிழ்ச்சி தருகிறார்கள் 

சந்து வாழ் சொந்தங்கள் !!!

****