தேர்தல் அவசரத்தில்
தோண்டப்பட்ட மழைநீர்
வடிகால் குழியில் விழுந்த
நாய் மூன்றாம் முயற்சியில்
வெளியே வந்துவிட்டது !
பிரபல தலைவரின்
பிரசாரத்திற்கு வரும்
ஹெலிகாப்டர் சத்தத்தை
கேட்டுவிட்டு அசை போட
தொடங்கிய பசு மாட்டுக்கு
தெரியாது அரசியலில்
அதன் பங்கு குறித்து !
பங்குனி மாத வெக்கை
தாங்காமல் வெளியே
வந்து வேப்பமரத்தடியில்
நின்றால் தார் போடாமல்
விடப்பட்ட சாலை புழுதியை
பரிசளிக்கிறது !
மழையால் சேதமாகி விட்ட வீட்டை
முடிந்த அளவு பேணி வைத்திருக்கிறாள்
மூதாட்டி ஒருத்தி
தகவல் தொழில்நுட்ப அணி
தரும் அளவுக்கு அவள் வீட்டுக்கு
முட்டு கொடுக்க எதுவும்
யாரும் இல்லை !
வீட்டை கட்டி தர அரசிடம்
பணம் இல்லை.
13000 கோடியோ, 500 கோடியோ
அது கட்சிக்கு வந்த பணம்
அரசாங்கத்துக்கு பணம் இல்லை !
அவள் வாங்கும் அரிசி பருப்புக்கும்
ஜிஎஸ்டி உண்டு !
ஓட்டு கேட்டு வருபவர்கள்
நூறோ இருநூறோ தருவார்கள்
என காத்திருக்கும் தாத்தாவுக்கு
தெரியாது
அவர்கள் தருவது இங்கிருந்தே
ஆட்டைய போட்டது என்று !
சூரியன் ஒளிர்கிறது
தாமரை மலர்கிறது
இலை துளிர்க்கிறது
ஏழையின் வாழ்வில்
எந்த மாற்றமும் செய்யாமல்
ஒளிர்ந்து, துளிர்த்து, மலர்வது
என்ன மயித்துக்கு !!!
No comments:
Post a Comment