சதுரங்கம்

நீண்ட நாட்களுக்கு பிறகு

நண்பனோடு சதுரங்கம் !

எனக்கு குதிரைகளை லாவகமாக

பயன்படுத்த தெரியாது !

அடுத்தடுத்த ஐந்து காய்

நகர்த்தலை யோசித்து 

அவன் குதிரையை 

தாக்கினேன்

அவன் என் மந்திரியை

முடித்தான் !

பழிக்கு பழியாக

நான் அவன் மந்திரியை

குறிவைத்த போது

என்‌ யானையை கொன்று

விட்டான் !

என் ஆத்திரத்தை பயன்படுத்தி

ராணியையும் கொன்றான்.

அடுத்து என் ராஜாவுக்கு

கிடுக்கிப்பிடி போடுவான்

என்ற நொடியில்

காய்களை கலைத்துவிட்டு

எழுந்தேன் !

ஆட்டம் சமனில் முடிந்தது!

எனக்கு குதிரைகளை லாவகமாக

பயன்படுத்த தெரியாது!!!