நிறுத்திவிட்டு அங்கும்
இங்குமாக அலைந்து
வியாபாரத்தை பார்த்துக்கொண்டார்
மளிகை கடைக்காரர் !
சேலை மாற்றிவிட்டு
வந்தால் பின்தங்கி விடுவோம்
என நைட்டியில் வந்திருந்தார் மண்டபத்துக்காரர் மனைவி !
காலை மாத்திரை போடாததால்
தலை சுற்றி தரையில்
உட்கார்ந்து கொண்டார்
ஓய்வுபெற்ற தாசில்தார் மனைவி !
சித்தப்பாவிற்கு சீக்கிரம்
கிடைக்க சரிபார்ப்புகளை
துரிதப்படுத்தினார்
கவுன்சிலர் !
போட்டோ எடுக்க பொக்கைவாய்
கிழவிகளைத் தேடிக்
கொண்டிருந்தது
தகவல் தொழில்நுட்ப அணி !
நிவாரணத்தால் நிமிர்ந்தோம்
என ஆரம்பித்து எதுகை மோனைகளை
சரிபார்த்து கொண்டிருந்தது
இணைய அணி !
யாருக்கு தேவை என்ற
தரவு அரசிடம் இல்லை
யாருக்கு தந்தால் பலன்
என்ற முழுத்தரவு இருக்கிறது !
நேரில் வந்து உதவியவர்களுக்கு
இருகரம் கூப்பியதை தவிர
வேறொன்றும் செய்யமுடியவில்லை
ஏழை குடியானவனால் !
வடிந்து போன ஆற்றங்கரையில்
செங்கல் ஏதாவது கிடைக்குமா
என்று தேடுகிறான்
சிதிலமடைந்த வீட்டை
சரிசெய்ய !!!
🔥🔥🔥🔥🔥👌👌👌👌 யாருக்கு தேவை என்ற
ReplyDeleteதரவு அரசிடம் இல்லை
யாருக்கு தந்தால் பலன்
என்ற முழுத்தரவு இருக்கிறது !
🔥🔥🔥🔥🔥