இருவருக்கும் 23 வயது
இருவரும் காதலிக்கிறார்கள்
சொல்லாமலே !
அடிக்கடி பார்க்கும் நபரால்
நாம் காதலிக்கபடுகிறோம்
என்ற உணர்வில்லாமல்
காதலை அவஸ்தையாக
கழிக்கிறார்கள் !
இருவரும் தமிழை
சிறப்பாக கையாண்டு
கவிதை எழுதி வைத்துள்ளார்கள்
காதலை சொல்ல !
எந்த நாள் நல்ல நாள்
என்று தவம் செய்கிறார்கள்
என் காதல் நீ தான்
என்று எடுத்துரைக்க !
கடற்கரையில் கைகோர்த்து
நடப்பது போல்
கனவு காண்கிறார்கள்!
இருவீட்டார்களின் அனுமதி
எப்படி வாங்குவது என்று
சிந்தித்து கொண்டிருக்கிறார்கள்!
2023 துவக்க நாளில்
மனதில் இருப்பதை
சொல்ல துணிவு
கொண்டிருக்கிறார்கள் !!!
No comments:
Post a Comment