பாளையங்கோட்டை பள்ளிகள்

தென்னகத்தின் ஆக்ஸ்போர்ட் என்று அழைக்கப்படும் பாளையங்கோட்டையில் உள்ள பள்ளிக்கூடங்கள் பற்றி.

பாளையங்கோட்டையில் திரும்பிய திசையெங்கும் பள்ளி கல்லூரிகள் தான்.

மேல்நிலைப்பள்ளிகள் பற்றி சொல்கிறேன்.

1. தூய யோவான் மேல்நிலைப்பள்ளி 

முதல்ல ஜான்ஸ்ல இருந்தே ஆரம்பிப்போம் அது தான் நான் படிச்ச பள்ளி. ஜான்ஸ் ஒரு ரவுடி ஸ்கூல் இது தான் வெளியில் எல்லாரும் சொல்வது. நிஜத்தில் அப்படி இல்லை. நாங்கள் படிக்கும் போது தான் உட்கட்டமைப்பு பலப்படுத்த பட்டது. புது ஸ்டாப் ரூம், தலைமை ஆசிரியர் அறை, கட்டிடங்கள், லேப் என புதிதாக உருவாக்கப்பட்டது. ப்ரேயர் மைதானம் என்எஸ்எஸ் மாணவர்கள் மூலம் சீரமைக்கப்பட்டது. தற்போது மாலை வேளைகளில் அது பேட்மிண்டன் மைதானம்.

ஜான்ஸ்ல் பெரிய மைதானமும் உண்டு.

ஜான்ஸ் தென்னிந்திய திருச்சபை கிறிஸ்தவ அமைப்பான டயோசிசன் நடத்தும் பள்ளி.

குறைகள் என்றால் நாங்கள் படித்து முடிக்கும் வரை (2002) கக்கூஸ் கிடையாது.

தரமான ஆசிரியர்கள் எல்லா பாடத்துக்கும் கிடையாது. குறிப்பாக நாங்கள் படிக்கும் போது இயற்பியல் ஆசிரியர் சாத்ராக் (தற்போதைய தலைமை ஆசிரியர்) மற்றும் உயிரியல் அசிரியா திறமையான ஆசிரியர்கள். ஆனால் கணிதம் மற்றும் வேதியியல் ஆசிரியர்களால் ரிசல்ட் பாதிக்கும்.

2. கதீட்ரல் மேல்நிலைப் பள்ளி 

பாளையங்கோட்டை ஊசிகோபுரம் சர்ச் (கதீட்ரல்) பக்கத்தில் இருக்கும் ஆண்கள் மேல்நிலைப்பள்ளி. டயோசிசன் நடத்தும் பள்ளி.

ரிசல்ட் அடிப்படையில் சராசரி பள்ளி.

3. மேரி ஜார்ஜெண்ட் மேல்நிலைப்பள்ளி

கதீட்ரல் பள்ளியை ஒட்டி இருக்கும் பெண்கள் மேல்நிலைப்பள்ளி. இதுவும் டயோசிசன் நடத்தும் பள்ளி தான்.

ரிசல்ட் அடிப்படையில் சராசரி பள்ளி.

4. சாராள் தக்கர் மேல்நிலைப்பள்ளி

பாளை பேருந்து நிலையம் அருகில் இருக்கும் பெண்கள் மேல்நிலைப்பள்ளி. பாளையின் நம்பர் 1 பெண்கள் மேல்நிலைப்பள்ளி.

சில மாநில ரேங்க் மாணவிகளை உருவாக்கிய பள்ளி. இதுவும் டயோசிசன் நடத்தும் பள்ளி

5. இக்னிஷியஸ் கான்வென்ட் மேல்நிலைப்பள்ளி

பாளை பேருந்து நிலையம் அருகில் இருக்கும் இன்னொரு மகளிர் மேல்நிலைப்பள்ளி.

ஹைகிளாஸ் மாணவிகள் படிக்கும் பள்ளி.

இந்த பள்ளி கத்தோலிக்க கிறித்தவர்களால் நடத்தப்படுகிறது.

ரிசல்ட் அடிப்படையில் சராசரிக்கு மேல்

6. ரோஸ்மேரி மேல்நிலைப்பள்ளி 

பாளையில் இருக்கும் இருபாலர் பள்ளியில் இதுவும் ஒன்று. மெட்ரிகுலேஷன் பள்ளியும் கூட. பாளை நூலகம் மற்றும் தபால் நிலையம் அருகில் உள்ளது.

இதுவும் ஹைகிளாஸ் மாணவ மாணவியர் பள்ளி

7. தூய சேவியர் மேல்நிலைப்பள்ளி 

பாளையின் நம்பர் ஒன் ஆண்கள் மேல்நிலைப்பள்ளி.

கத்தோலிக்க கிறித்தவர்களால் நடத்தப்படும் பள்ளி.

ஆசிரியர்கள் தான் இதன் பலம். குறிப்பாக வேதியியல் ஆசிரியர் சந்திரசேகர்.

8. கிறிஸ்து ராஜா மேல்நிலைப்பள்ளி

பாளை கிருஷ்ணா மருத்துவமனை எதிரில் இருக்கும் பள்ளி.

கத்தோலிக்க கிறித்தவர்களால் நடத்தப்படுகிறது.

ரிசல்ட் அடிப்படையில் சராசரி பள்ளி

9. ஏஞ்சலோ மேல்நிலைப்பள்ளி 

ஜான்ஸ் மற்றும் கிறிஸ்து ராஜா பள்ளிகளுக்கு அருகில் உள்ளது. அதிகம் வெளியே தெரியாத பள்ளி.

10. காந்திமதி அம்பாள் மேல்நிலைப்பள்ளி 

பாளை அரசு மருத்துவமனை எதிரில் இருக்கும் அரசு மகளிர் மேல்நிலைப்பள்ளி.

ரிசல்ட் அடிப்படையில் வழக்கமான அரசுப்பள்ளி

11. குழந்தை ஏசு மேல்நிலைப்பள்ளி 

பாளை வாட்டர் டேங்க் அருகில் இருக்கும் பெண்கள் மேல்நிலைப்பள்ளி சைல்டு ஜீசஸ் பள்ளி.

கத்தோலிக்க கிறித்தவர்களால் நடத்தப்படுகிறது.

ரிசல்ட் அடிப்படையில் சராசரி பள்ளி.

12. பெல் மேல்நிலைப்பள்ளி 

பாளையின் ஹைகிளாஸ் பள்ளி. பெரும் பணக்காரர்கள் மட்டுமே படிக்கும் பள்ளி.

13. ஐஐபிஇ லட்சுமி ராமன் மேல்நிலைப்பள்ளி

பாளை என்று சொல்ல முடியாது. பாளையங்கோட்டைக்கு வெளியே உள்ளது. புதிதாக 2000ல் தொடங்கப்பட்ட பள்ளி.‌ ரோஸ்மேரியில் படித்த பலரும் போய் சேர்ந்தனர். நல்ல கோச்சிங் என்று. ஆனால் பலன் கிடைத்ததாக தெரியவில்லை.

14. ஜெயேந்திர சரஸ்வதி மேல்நிலைப்பள்ளி

மகாராஜநகரில் இருக்கும் இருபாலர் பள்ளி. இதுவும் ஹைகிளாஸ் பள்ளி தான். காஞ்சிபுரம் சங்கராச்சாரியார் குழுமம் நடத்தும் பள்ளி.

ரிசல்ட் அடிப்படையில் சராசரிக்கும் மேல்.

இவை தவிர புஷ்பலதா சிபிஎஸ்இ பள்ளி, மேக்தலின் போன்ற பள்ளிகளும் உண்டு.

ஹைகிளாஸ் அல்லாத பள்ளிகளில் மாணவ மாணவியர் பல்வேறு இடங்களில் இருந்து அரசு பேருந்துகள் மூலம் வந்து படிக்கிறார்கள்.