நியூ கலிடோனியா

அலுவலகத்தில் எனக்கு வழங்கப்பட்ட முதல் ப்ராஜெக்ட் கோனியம்போ. அது என் அதிர்ஷ்டமும் கூட.

ஒருநாள் இளங்கோவன் சார் வந்து கோனியம்போ ப்ராஜெக்ட்ல வேலை பார்க்குற, அது எங்க இருக்குனு தெரியுமா என்றார்.

தெரியாது என்பதே எனது பதில். டாக்குமெண்ட்ல தேடு இல்லைன்னா என்னோட சிஸ்டத்தில் நெட்ட யூஸ் பண்ணி தேடி பாரு என்றார்.

தேடிப் பார்த்தேன் பாரின் சரக்கில் மிதக்கும் ஐஸ் கட்டி போல கடலுக்குள் மிதந்தது அந்த சிறு தீவு நியூ கலிடோனியா. அதை அப்படியே ஸ்கிரீன் ஷாட் எடுத்து எனது சிஸ்டம் பேக்கிரவுண்டா வைத்திருந்தேன். கொஞ்ச நாள் எனது பாஸ்வேர்டும் கோனியம்போ தான். 

அங்கே கோனியம்போ நிக்கல் ப்ளான்ட்.

நிக்கல் ப்ளான்ட் பக்கத்தில் எங்க ப்ராஜெக்ட் பவர் ப்ளாண்ட்.

நியூ கலிடோனியா ஆஸ்திரேலியா அருகில் இருக்கும் சிறு தீவு. ப்ரெஞ்ச் காலனி. அவர்களது பணத்தின் பெயர் CFP franc. CFP என்பது பசிபிக் ப்ரெஞ்ச் காலனி என்பதன் சுருக்கமே.

உலகில் நிக்கல் தாதுவில் 25% நியூ கலிடோனியாவில் உள்ளது. ஒரு சர்வதேச விமான நிலையம் உள்ளது. அங்கிருந்து பாரீஸ், மெல்போர்ன், சிட்னி, பிரிஸ்பேன், ஆக்லாந்து, டோக்கியோ, ஒசாகா, போர்ட் விலா, பிஜி, வாலிஸ் & பாபிட்டி ஆகிய பகுதிகளுக்கு விமானம் இயக்கப்படுகிறது.

கப்பல் போக்குவரத்து மாதம் ஒருமுறை வனுவாட்டு நாட்டுக்கு இயக்கப்படுகிறது.

ஜேம்ஸ் குக் என்ற பிரிட்டிஷ்காரர் தான் நியூ கலிடோனியா சென்ற முதல் வெளிநாட்டவர். அவர் சென்ற ஆண்டு 1774. அவருக்கு அந்த நாடு ஸ்காட்லாந்தை நினைவூட்டியதால் நியூ கலிடோனியா என்று பெயரிட்டார்.

நியூ கலிடோனியாவின் தலைநகர் நவ்மியா (Noumea). மக்கள் தொகை சுமாராக 270000.

அவர்களின் பூர்வகுடிகள் கணங்குகள் ஆவார்கள்.

பொருளாதாரம் இரும்பு தாது மற்றும் நிக்கல் தாது.

நியூ கலிடோனியாவின் பழைய நோட்டும் புதிய நோட்டும் எனது சேகரிப்பில் உள்ளது.