மகேந்திர சிங் தோனி
தோனி ஒரு பேட்ஸ்மேனாகவும், ஒரு கீப்பராகவும் பெரிதாக சாதிக்கவில்லை இந்த முறை. ஆனால் கேப்டனாக வழக்கம் போல் சாதித்துள்ளார். ஆல்ரவுண்டர்களை அணியில் சேர்த்துக் கொள்வது, குறிப்பாக பாஸ்ட் பவுலிங் ஆல்ரவுண்டர் தோனியின் நம்பர் ஒன் சாய்ஸ்.
ஆறு பேராவது பந்து வீச தெரிந்திருக்க வேண்டும். ஏழு பேராவது பேட்டிங் செய்ய தெரிந்திருக்க வேண்டும் என்ற அணுகுமுறை.
ரெய்னாவுக்கு பதிலாக உத்தப்பாவை களம் இறங்கி வெற்றி கண்டது தோனியின் மேஜிக்கல் டச்.
ஆடும் 11 ல் கிட்டத்தட்ட 10 அல்லது 11 பேருமே சர்வதேச கிரிக்கெட்டர்களை வைத்து ஆடுவது தோனி தந்திரம் மந்திரம்.
ரிதுராஜ்
தனது அதிரடி ஆட்டத்தால் ஆரஞ்சு கேப் வாங்கியவர். அணியில் (11) தன்னை தவிர எல்லோரும் குறைந்த பட்சம் 4 வயது மூத்தவர்கள் என்ற கடின சூழலில் இப்படி ஒரு ஆட்டம் வியக்க வைக்கிறது.
அண்ணன் எப்ப போவான் திண்ணை எப்போ காலி ஆகும் என காத்திருந்து வாட்சன் இடத்தை பிடித்து கொண்டார்.
டூ பிளஸிஸ்
துவக்க ஆட்டக்காரராக அதிரடி. பீல்டிங்கில் சூறாவளி. கூட விளையாடும் சின்ன பையனுக்கு நுணுக்கங்களை கற்று கொடுக்க வேண்டிய பொறுப்பும் இருந்தது. எல்லா இடத்திலும் அடித்து ஆடியுள்ளார்.
சுரேஷ் ரெய்னா
சென்றமுறை தனிப்பட்ட காரணங்களால் விலகினார். அணியும் சொதப்பியது. இந்த முறை இவர் வந்ததால் அணியும் முதல் இடம் வந்தது. ரசிகர்கள் ரெய்னா இல்லாமல் சிஎஸ்கே இல்லை என்றனர். ஆனால் இறுதி ஆட்டம் அதையும் மாற்றியுள்ளது.
மொயின் அலி
வலிமை அப்டேட் ரசிகர்கள் கேட்ட போதே சென்னைக்கு நெருங்கிய வீரர் ஆகிவிட்டார்.
தேவையான அளவு பேட்டிங், தேவையான அளவு பவுலிங் என கமர்ஷியல் ஹீரோவாகிவிட்டார்.
அம்பதி ராயுடு
எவ்வளவு சொதப்பினாலும் தோனி வாய்ப்பு கொடுத்தார். இந்த முறை மிடில் ஆர்டர் வேறு தனது பணியை சிறப்பாக செய்துவிட்டார்.
ரவிந்திர ஜடேஜா
ஒரு பர்பெக்ட் ஆல்ரவுண்டர். இந்த முறை பேட்டிங் பவுலிங்கில் இவருக்கான களம் அமையவில்லை. ஆனாலும் திறமையான வீரர்.
வெயின் பிராவோ
இவர் ஒரு ஆல்ரவுண்டர் என்பதை மறந்து முழு நேர பவுலராகவே மாறிவிட்டார். சிஎஸ்கேவின் டெத் ஓவர் ஸ்பெஷலிஸ்ட்.
தீபக் சகார்
முதல் ஓவர் வீச தோனியின் முதல் சாய்ஸ். பவர்ப்ளே ஓவர்களை தவிர மற்ற ஓவர்களில் இன்னும் கவனம் செலுத்த வேண்டும்.
சதுருல் தாகூர்
இவரது வளர்ச்சி ஜாவா சுந்தரேசன் போன்ற வளர்ச்சி. எப்போது விக்கெட் வேண்டும் என்றாலும் இவரை கூப்பிடுவது வழக்கம். பேட்டிங் நாலாவது இடத்தில் விளையாடியது சிறப்பு.
ஜோஸ் ஹேசல்வுட்
ஹில்பனாஸ், பொலிஞ்சர் போன்ற ஆஸ்திரேலியர் சிஎஸ்கேவுக்கு செய்த அதே செயல். பிசிறில்லாமல் செய்துள்ளார்.
ராபின் உத்தப்பா
இவரை எதற்கு எடுத்தார்கள். இவர் பெஞ்சில் இருந்தாலே நலம் என ரசிகர்கள் பேசினார்கள். அணைய போற விளக்கு பிரகாசமாக எரியும் என நிருபித்துள்ளார்.
ஆசிப்
ஒரு போட்டியில் தான் வாய்ப்பு கிடைத்தது. தீபக் சகாருக்கு தசை பிடித்தால் இவர் அணியில் இடம் பிடிக்கலாம் என்ற சூழல்.
சாம் கரண்
யுஏஈயில் சரியாக விளையாடவில்லை. காயம் வேறு தேசிய அணியில் இடம் பெற விடாமல் செய்துள்ளது. கற்று கொள்ள நல்ல தளம்.
நிகிடி, சாண்ட்னர், ஜெகதீசன், தாகீர், ரெட்டி, கிஷோர், கவுதம் இவர்கள் மானே தேனே பொன்மானே வகையறா. சிஎஸ்கே அணி வீரர் என சொல்லி சென்னையில் நடக்கும் போட்டியில் சொந்தகாரர்களுக்கு டிக்கெட் வாங்கி கொடுக்கும் வாய்ப்பை கூட கொரோனா பறித்துவிட்டது.
மீண்டும் ஒரு முறை தோனி பற்றி, அணியில் ஆரேழு பேரால் முட்டி மடங்காமல் கால் கட்டை விரலை தொட முடியாத அளவு தொப்பை இருந்த நிலையிலும் வெற்றி வாகை சூடிய கேப்டன்.
No comments:
Post a Comment