காதல் கசிகிறது

நுரை முட்டும் கடல்

அலைகளை பார்த்துகொண்டிருந்த 

தருணத்தில் நீ கேட்டாய்

என்னை எவ்வளவு பிடிக்கும் என்று !

நான் கைகளை விரித்து 

இவ்வளவு என்று சொல்ல 

வந்து நிறுத்தி கொண்டேன் !

கடலை கை நீட்டி 

கடலளவு என்று சொல்ல  

வந்து நிறுத்தி கொண்டேன் !

வானத்தை காட்டி

வானளவு என்று சொல்ல

வந்து நிறுத்தி கொண்டேன் !

‘பிடிக்கும்’ எவ்வளவு என்று

சொல்ல தெரியல என்றேன் !

நீ கண்ணீருடன் என்னை

கட்டி அணைத்தாய் !

உன் கண்ணீரில்

என் காதல் கசிகிறது !