பிறந்த நாள்

பெண்குழந்தை பிறந்துள்ளது
என்று மருத்துவர் வந்து
சொன்னது நேற்று
நடந்தது போல் உள்ளது
ஓராண்டை தொட்டுவிட்டது!

இந்த ஓராண்டில்
மழலையர் பாடல்கள்
மனப்பாடம் ஆகிவிட்டது!

பொம்மைகளுடன் விளையாடும்
வித்தை கற்றுகொண்டோம்!

அலுவலக அலுப்பு
எங்கள் மகளின்
புன்சிரிப்பில் மறைந்துவிடுகிறது!

செல்லமகளுக்கு பிடித்த
பாடல்கள் விளம்பரங்கள்
எங்கள் செல்போனை நிறைத்துள்ளன!

சிறுநீரால் எங்கள் ஆடைகளில்

சித்திரம் வரைந்தவள்

நடக்கும் போது ஒலிக்கும்

கொலுசின் ஓசை கேட்க

எங்கள் வீட்டு அறைகள்

காத்திருக்கின்றன!

அவளின் கிறுக்கல்களுக்காக

வண்ணம் பூசிய சுவர்கள்

காத்திருக்கின்றன!

பிறந்தநாள் வாழ்த்துகள்

ப்ரியமான மகளே!!!