பயணங்கள் பற்றிய ஆசை

வெள்ளை கோடுகள்
இல்லாத சாலையில்
கூட்டமில்லாத தனியார்
பேருந்தில் தனியாய் பயணம்
செய்ய வேண்டும்!

கூட்ஸ் ரயிலில்
கடைசி பெட்டியில்
புதிதாய் ஒரு இடத்துக்கு
மனைவியுடன் போய் வர வேண்டும்!

குன்றின் மீதிருக்கும்
கோவிலுக்கு குடும்பத்துடன்
போய் வர வேண்டும்!

திறந்த ஜீப்பில்
மேகம் முட்டும்
மலைப்பிரதேசத்துக்கு
மனைவி மகளுடன் போய்
வர வேண்டும்!

கற்றது தமிழில் வரும்
மகாராஷ்டிரா பொட்டல்வெளிகளுக்கு
கல்லூரி நண்பர்களுடன்
போய் வர வேண்டும்!

அடர்ந்த வனத்தில்
சிற்றோடையாய் தவழும்
ஆற்றில் குளிக்க பள்ளி
நண்பர்களுடன் போய்
வர வேண்டும்!

பெரிய பேருந்தில்
ராஜஸ்தான் 'தோ கிமீ ' பகுதிக்கு அலுவலக
நண்பர்களுடன் போய் வர வேண்டும்!!!