பேருந்தில் ஏறி அமர்ந்தபோதே
ஏதோ நடக்க போகிறது என்று
மனதில் தோன்றியது !
பேருந்து நகரத்தை தாண்டியது
தூரத்தில் தெரியும்
வெளிச்சப் புள்ளிகளை
ரசிக்க துவங்கினேன் !
பேருந்து குலுங்கி நின்றது
ஓட்டுனர் முயற்சித்து பார்த்தார்
இனி நகராதென்று நடத்துனர்
நவின்றார் !
மாற்று பேருந்து வராது,
வழியில் வரும் பேருந்தில்
அனுப்பி வைப்பேன் என்றார் !
எல்லாரும் சாலையில் நின்றோம்
இருக்கை நிரம்பிய இரு
பேருந்துகளில் எனக்கு
ஏற விருப்பமில்லை !
அவளும் என் அருகில்
நின்று கொண்டிருந்தாள்
அந்த சூழலை ரம்மியமாக்கி கொண்டு !
பனிவிழ தொடங்கி இருந்தது
கைகளை குறுக்கே கட்டி இருந்தாள் !
சிறு புன்னகை புரிந்தேன்
பதில் புன்னகை உதிர்த்தாள்
என்னுள் காதல் உயிர் கொள்ள
தொடங்கியது !
மனது தேனீர் வேண்டியது
அவள் அருகிலிருப்பதால் !
ஆறாவது பேருந்தில் ஏறினோம்
அவளருகில் தான் இருக்கை
கிடைத்தது !
அரைமணி நேரத்தில் பேருந்து
நெடுஞ்சாலை உணவகத்தில்
ஒதுங்கியது !
இருக்கை பார்த்து கொள்ள
சொல்லி அவளுக்கும்
தேனீர் வாங்கி வந்தேன் !
முதலில் மறுத்தாலும்
வாங்கி பருகினாள் !
உள்ளங்கையில் கோப்பையை
வைத்து தொண்டையில்
இறங்கிய அந்த தேனீர்
என்னுள் பட்டாம்பூச்சி
பறக்க வைத்தது !
பனிக்கு பயந்து சன்னல்கள்
இறுக்க சாத்தபட்டன !
சன்னமாக நுழைந்து
வந்த பனிகாற்று
என்னோடு பேசியது !
கண்ணாடி சன்னலில்
சாயந்து கண்களை மூடி
தூங்கினாள் அவள் !
நீல நிற வெளிச்சம் கசிந்து
கொண்டிருந்தது
அவளை ரசித்து
கொண்டிருந்தேன் !
பேருந்தின் குலுங்கல்களுக்கு
இசைவாய் ஆடிக் கொண்டிருந்தது
அவள் கேசம் !
இந்த இரவு நீண்டு கொண்டே
இருக்க வேண்டும் என்று
நினைத்தேன் !!!
No comments:
Post a Comment